Festimi i Vitit të Ri në Qendrën Burimore Koplik

Qendra Burimore MEDPAK, në Koplik, një projekt i përbashkët i shoqatës MEDPAK me Bashkinë Koplik dhe mbështetur nga Shoqata “Child’s Perspective” Hollande, këtë fundviti pati shumë miq.

Stafi i Qendrës punon shumë për ta bërë çështjen e aftësisë së kufizuar, çështje të zhvillimit të të gjithë shoqërisë në bashkinë Koplik e më gjerë, në tërë rrethin e Malësisë së Madhe.

Ndërgjegjësimi i komunitetit për tu ardhur në ndihmë fëmijëve me aftësi të kufizuara u shpreh edhe nëpërmjet dhuratave që Matura A e Gjimnazit “Sherif Hoxha” Koplik, ju bëri fëmijëve me aftësi të kufizuara për festat e fundvitit.

Më madhështorja ishte në datën 27 dhjetor, kur kryetari i bashkisë Koplik z. Ramadan Lika dhe nënprefektja e Malësisë Madhe zonja Taze Lohja, mblodhën në Qendrën Burimore MEDPAK prindër dhe fëmijët e tyre me aftësi të kufizuara, festuan me ta dhe në fund ju dhuruan edhe disa dhurata të dhëna me shumë dashuri prej tyre.